{ عـِــيــشْ بالـّــرُمـــانـْـ...~

الــــسم عليكم ورحمة الله وبركاته

شحالكن ..

ما ادري شو فيني هاليومين ...طايحة في المطبخ

عيش بالرمان ...وهاااي اكله إيرانية

يالله تحسرن يا بنات

[ المقادير ..~

دجاجة مسلوقة ...ويا قرفة ..وهيل ..علشان الريحة

3 حبات بصل مقطعه لجوانيح <<عاشت اللبنانية

ملح + فلفل + قرفة + بزار + ثوم محطون

زعفران

ماي ورد لو حبيتوا يعني ..وتقدرون تستغنون عنه

رمان ناشف ..بتلقونه في القرية ايرانية ..تقريبا نص كوب ..خذيه وانقعيه في الماي لمدة دقيقتين
ها اشخليه وخليه على جنب

سكر

عصير ليمونة

[ الطريقة ~

اوً:

هاتي البصل وحمريه في الزيت + ربع ملعقة ثوم مدقوق +الدجاجة المسلوقة طبعا قطعيها لأربع أجزاء
+ ملعقة قرفة + ملح شوي ..وحطي لهم كوب ماي ..وخليهم يتسبكون ..ها خليهم على جنب

ثانياً:

زم يكون العيش جاهز ..وطبعا عيش أبيض

المهم

الزعفران خذي جزء منه وذوبيه في فنجان ماي وخليه على جنب ..والباقي خليه

هاتي جدر صغير وحطي فيه شويه ماي ..تقريا قد استكانة الشاي ..او 4 معق ماي

وخليه على النار + ملعقتين سمن + زعفران شوي +ملعقة ملح + ملعقة سكر ..+ الرمان الناشف
+ عصير ليمونة ...

خليه ينشف مب يحترق ..يعني اول ما تحسن الماي بدا يقل نه اص مب وايد سكري النار عنه

ثالثاً:

العيش او الرز يكون جاهز وتكونين شاخلتنه ..

تحطين نص كمية العيش في جدر ...ها الدجاج والبصل ...وتيبين الماي ويا الزعفران وتحطينه

فوقه ..بس مب كامل ..نصه تقريبا ..

ها طبقة عيش ..

وصبي الباقي من الزعفران والماي وفوقه صبي خلطة الرمان ..

وصكي عليه شوي ..وتكونين مشغله النار تحت بس على الخفيف

لو حبيتي هاتي جمر حبة وحده ..طبعا تكونين مولعتنها وتحطينها في المونيوم وتحطينها

في الجدر وتصبين فوقها الزيت شوي ..وتصكين الجدر إلي فيه العيش ..

وتخلينه 5 دقايق ...ها حطيه في الحرارة .. ما تخلطينه مع بعض <<<جاني وايد ارمس

هذا شكل العيش قبل ما نخلطه ونحطه في الحرارة

وهنا وعافيه

تنسون تغسلون الجدور

» { عـِــيــشْ بالـّــرُمـــانـْـ...~